– Erkinbek myrza, osy Ramazan aıynda Almaty qalasy boıynsha qandaı qaıyrymdylyq sharalary uıymdastyrylatyn bolady?

– Árıne, bıylǵy orazanyń jaǵdaıy da, Ramazan aıynyń ótý formaty erekshe bolyp tur. Sebebi elimizde osyndaı tótenshe jaǵdaı jarıalanǵan karantındik rejımniń kezinde biz orazamyzdy ustap, ramazandy ótkizeıin dep otyrmyz. Osyǵan baılanysty bizdiń meshitterimizde keshki taraýıh namazdary, meshitke jınalý, juma namazdaryn ótkizý ázirge ýaqytsha toqtatylyp otyr. Osy karantın kezeńi bastalǵaly beri Almaty qalasy meshitteri qaıyrymdylyq sharalaryna belsendi atsalysyp kele jatyrmyz. onyń barlyǵy bizdiń Qazaqstan musylmandary dinı basqarmasynyń tóraǵasy Naýryzbaı qajy Taǵanuly hazirettiń bastamasymen «Júrek jylýy» atty respýblıkalyq qaıyrymdylyq kerýeni jarıalanǵan bolatyn. Árıne biz Ramazan aıynda osy sharalardy ary qaraı jalǵastyratyn bolamyz. Bul qaıyrymdylyq sharalarynyń aıasynda taratylatyn azyq-túlik sebetteri kýrerlik kompanıalar arqyly, solardyń qyzmeti arqyly iske asaıyn dep otyr. Sebebimkarantın ózimizdiń volonterlardyń, ózimizdiń qyzmetkerlerdiń úılerine barýyna múmkindik bermeıdi.

– Osy aıda adamnyń kóbi aýyz ashtyryp, saýap jınaýǵa asyǵady ǵoı. Ondaı jandar ne istese bolady?

– Árıne, biz ádettegi jaǵdaıda, byltyrǵa ramazanda meshitterdiń janynda úlken aýyzashar dastarhandaryn jaıatynbyz. Bir kúnniń ózinde qalanyń meshitterinde 9-10 myńǵa jýyq jamaǵattarymyz kelip aýyz ashatyn. Biraq bıylǵy jaǵdaı basqasha. Bıyl karantındik rejımniń talaby boıynsha meshitterge jınalýǵa ruqsat bolmaǵandyqtan aýyzashar dastarhandar meshitterdiń janynda jaıylmaıdy. Biz búkil jamaǵatqa, turǵyndarǵa úılerinde aýyz ashýǵa keńes berip otyrmyz. Sonymen qatar, qaıyr jasaıyn, aýyzashý degen úlken saýapty is qoı, aýyshashtyraıyq, saýap alaıyq degen kisilerdiń arnaıy meıramhanalar arqyly úıge jetkizip berý qyzmeti arqyly uıymdastyramyz dep josparlap otyrmyz.

– Tushshymdy jaýabyńyzǵa rahmet. Ramazan aıy múbárák bolsyn!