Túrkıada qazaqstandyq qyz jartastan qulap, qaıtys boldy, dep habarlaıdy Qamshy.kz aqparat agenttigi Tengrinews.kz saıynyń deregin negizge alyp. 

Bul oqıǵa Antalányń ulttyq saıabaǵynda bolǵan. Bul týraly qyzdyń qurbysy Olga Kravchýk aıtty. Qazaqstandyq qyz Túrkıada bes jyl ýaqyt gıd bolyp jumys istegen .

– Ol Antaládaǵy ulttyq saıabaqtaǵy sarqyramanyń qasynda bolǵan. Sosyn tastar qulap, ózi tepe-teńdikti ustaı almaı, qulap ketken. Sarqyramanyń bıiktigi – 35 metr, – deıdi qyzdyń qurbysy.

Qazirgi ýaqytta qaıtys bolǵan qyzdyń jaqyndary men týystary marqumnyń denesin Qazaqstanǵa jetkizý úshin aqsha jınap jatyr.

Olardyń aıtýynsha, deneni jetkizý úshin 900 myń teńge kerek. Biraq basty problema deneni Almatydan Qostanaıǵa jetkizý deıdi. Ol úshin taǵy 400 myń teńge kerek.