AQSH jańalyqtar júrgizýshisiniń tikeleı efırde shalbarsyz otyrǵany kórinip qaldy. Bul týraly Sky News telearnasy habarlady.
Jýrnalıs Ýıll Rıvı "Qaıyrly tań, Amerıka" baǵdarlamasy kezinde COVID-19 jańalyqtary boıynsha úıden tikeleı efırge qosylǵan.
Ol AQSH-taǵy keıbir dárihanalar pandemıa kezinde naýqastarǵa resept berý úshin drondardy qoldana bastaǵany týraly habarlamaq bolǵan.
Alaıda jýrnalıs denesiniń joǵarǵy jartysyn kórsetýge ornatqan kamera onyń shalbarsyz otyrǵanyn kórsetken.
Jýrnalısyń fotosy áleýmettik jelilerde keń tarap, túrli qyzyqty pikirler jazylǵan.
Máselen, Rým Rater esimdi tvıtter qoldanýshysy "ádemi bólme, ádemi shorty" dep jazǵan.
