QR Premer-Mınıstri Asqar Mamınniń tóraǵalyǵymen Tótenshe jaǵdaı rejımin qamtamasyz etý jónindegi memlekettik komısıanyń kezekti otyrysyda bıylǵy 4 mamyrdan bastap barlyq óńirlerde jumysqa kirisetin kásipkerlik sýbektileriniń qyzmet túrleriniń tizimi bekitildi, dep habarlaıdy primeminister.kz.

• aýmaǵy 500 sh. m. deıin bolatyn azyq-túliktik emes dúkender saǵat 17:00-ge deıin (barlyq túrleri);

• fotosalondar, gúl satatyn dúńgirshekter;

• shashtarazdar (jazylý boıynsha);

• medısına ortalyqtary (jazylý boıynsha);

• stomatologıalyq klınıkalar (jazylý boıynsha);

• jyljymaıtyn múlikpen operasıalardy júzege asyratyn kompanıalar, jarnama agenttikteri, advokattar, notarıýstar;

• shaǵyn qarjy uıymdary, saqtandyrý kompanıalary, lombardtar, aıyrbastaý pýnktteri;

• aqparattyq-kommýnıkasıalyq tehnologıalar kompanıalary.

2. Bıylǵy 4 mamyrdan bastap dalada sportpen shuǵyldanyp, jattyǵý jasaýǵa ruqsat etiledi. 

3. 4 mamyrdan bastap Nur-Sultan men Almatydan Qyzylordaǵa, Petropavlǵa, Óskemenge jáne Semeıge áýe qatynastaryn qaıta jandandyrý týraly sheshim qabyldandy. Reıster sanıtarlyq talaptardyń normalaryn kúsheıtýmen, az jolaýshylarmen jáne salonda erekshe qashyqtyqty saqtap otyrǵyzý arqyly júzege asyrylady. 

Óńirlerdiń ákimdikterine tıisti sharalar qabyldap, jumysqa kirisetin nysandarda sanıtarlyq-epıdemıologıalyq qaýipsizdikti qatań baqylaýdy qamtamasyz etý tapsyryldy.

Sonymen qatar otyrysqa qatysýshylar TJ kezinde iri ınvestısıalyq jobalardy iske asyrý, syrtqy saýda operasıalaryn júrgizý jáne t.b. máselelerdi qarastyrdy.