Almaty qalasynyń ákimi Baqytjan Saǵyntaevtyń tapsyrmasy boıynsha qala ákiminiń orynbasary Erjan Babaqumarov beıne-konferens-baılanys rejıminde qalalyq ınfeksıalyq jáne provızıalyq aýrýhanalardyń bas dárigerlerimen keńes ótkizdi. Bul týraly qala ákimdiginiń baspasóz qyzmeti habarlady.

Jıynǵa memlekettik bas sanıtarlyq dáriger Jandarbek Bekshın men qoǵamdyq densaýlyq basqarmasynyń basshysy Tileýhan Ábildaev qatysty.

Jıynnyń basty maqsaty – COVID-19 juqtyrǵan naýqastarmen jumys isteıtin medısına qyzmetkerleriniń eńbek qaýipsizdigin qamtamasyz etý boıynsha qabyldanyp jatqan sharalar týraly bas dárigerlerdiń esebin tyńdaý.

İshki ınfeksıalyq baqylaýdy kúsheıtý, epıdemıaǵa qarsy rejım standarttaryn saqtaý jáne dárigerler men medısına qyzmetkerleriniń eńbek qaýipsizdigi máseleleri qaraldy. Sondaı-aq medısınalyq uıymdardy JQQ-men qamtamasyz etý, ony personaldyń durys paıdalanýyn qadaǵalaı máselesi sóz boldy. Infeksıalyq palatalardaǵy súzgi-bokstarynyń jumysyn uıymdastyrý, mekemelerdiń úı-jaılardy «taza» jáne ınfeksıalanǵan aımaqtarǵa bólý qaǵıdatyn saqtaýy, sondaı-aq jeldetý, beınebaqylaý júıeleriniń jumys isteýi, qabyldaý bólimsheleriniń «3H» (trıaj) júıesiniń jumysyn uıymdastyrý jáne t. b. máseleleri de tilge tıek etildi.

Almaty qalasynyń memlekettik bas sanıtarlyq dárigeri Jandarbek Bekshın medısınalyq uıymdar qabyldaǵan eńbek qaýipsizdigi sharalary boıynsha jaǵdaıǵa egjeı-tegjeıli taldaý jasap, baıandady.

Búginde Almatyda 1320 tósek-orynǵa arnalǵan 7 juqpaly stasıonar jumys isteıdi. Atap aıtqanda, provızorlyq emdeýge jatqyzý úshin 1164 tósek-orynǵa arnalǵan 12 stasıonar belgilendi.

№2 qalalyq perzenthananyń bas dárigeri G. Nurlanova, qalalyq klınıkalyq juqpaly aýrýlar aýrýhanasy (modýldi aýrýhana) fılıalynyń meńgerýshisi M. Muqashev, qalalyq balalar klınıkalyq juqpaly aýrýlar aýrýhanasy bas dárigeriniń m. a. E. Alıbı, dáriger ári psıhıkalyq densaýlyq ortalyǵynyń bas dárigeriniń m. a. J. Joldybaevanyń baıandamalary tyńdaldy.

Keńes qorytyndysy boıynsha Almaty qalasy ákiminiń orynbasary Erjan Babaqumarov qoǵamdyq densaýlyq basqarmasyna medısınalyq uıymdar men karantındik nysandardaǵy qorǵaý rejımin qamtamasyz etýdi erekshe baqylaýǵa alýdy tapsyrdy. Al taýarlar men qyzmetterdiń sapasy men qaýipsizdigin baqylaý departamentine bul máseleni turaqty baqylaýda ustaý tapsyryldy.