Soltústik jáne Ońtústik Koreıa elderin bólip turǵan áskerılendirilmegen aımaqta atys boldy. Bul týraly Qamshy tilshisi BBC-ge silteme jasap habarlaıdy. 

"Tańǵy saǵat 07:41-de Soltústik Koreıa áskerleri Ońtústik Koreıanyń shekara mańyndaǵy Chervon qalalyq kúzet beketine oq atty" dep habarlady Seýldiń áskerı qyzmetkerleri.

Ońtústik Koreıa tarapynan zardap shekkender joq.

Jaýap retinde Ońtústik Koreıa "nusqaýlyqqa sáıkes eki oq atyp eskertý jarıalady" delingen áskerı málimdemede.

Bastapqy atysqa ne sebep bolǵandyǵy belgisiz. Birikken shtab bastyqtary (JCS) oqıǵanyń sebebin anyqtaý úshin Soltústik Koreıamen áskerı senim telefony arqyly baılanysýǵa tyrysqandaryn aıtty.

Bul – Soltústik Koreıa áskerleri sońǵy bes jyl ishinde alǵash ret Ońtústikke tikeleı oq atqan oqıǵa bolyp tirkeldi.