Jeńistiń 75 jyldyǵyna oraı Qostanaı oblysyndaǵy Keńes-German soǵysynyń qatysýshylary men múgedekteri bir mıllıon teńgeden aldy. Bul týraly 24.kz habarlady.

Biryńǵaı tólem óńirdegi 82 ardagerdiń esepshotyna aýdaryldy. Sondaı-aq tyl eńbekkerleri, Lenıngrad blokadasynda bolǵandar jáne Aýǵan soǵysynyń ardagerleri de ıe boldy. Onyń kólemi 30 myń teńgeden bastap 100 myńǵa deıin jetti. Qarjylaı kómekten bólek,ardagerlerge azyq-túlik qorjyny, alǵys hattar men mereıtoılyq medaldar tabys etiledi. 

– Mereıtoılyq medaldar qazirdiń ózinde aýdan-qalalarǵa jiberildi. Elimizdegi tótenshe jaǵdaıǵa baılanysty jergilikti jerlerdegi ár ákimdik ony ardagerlerge jetkizip tabystaıdy. Árıne, bul rette volonterler, ákimdik qyzmetkerleri jumyldyrylady, – dedi blystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Álıa Mekebaeva.