Qazaqstandaǵy shashtarazdar eki kúnniń ishinde 52,3 mln teńge tabys tapqan. Bul týraly QazAqparat habarlady.

«Qyzmetti qalpyna keltirilgennen keıingi tek eki kúnniń nátıjeleri boıynsha eldegi shashtaraz qyzmeti salasyndaǵy aınalym 52,3 mln teńgeni qurap, 15 myńnan astam chek berildi. Bir chektegi ortasha tabys 3,5 myń teńgeni qurady. 2 kúndegi 1,7 mln teńge somasyndaǵy eń kóp kiristi Nur-Sultan qalasynyń kásipkeri kórsetti. Ekinshi orynda – tabysy 1,4 mıllıon teńgeni quraǵan Almaty qalasynyń kásipkeri, al úshinshi orynda – Shymkent qalasynyń kásipkeri, onyń eki kúndegi tabysy 1,3 mıllıon teńgeni qurady» delingen habarlamada.

Eske sala keteıik, 4 mamyrdan bastap shashtarazdar men barlyq dúkender jumysyn bastaǵan bolatyn.