Túrkıalyq TAV Airports Holding holdıńi Almaty áýejaıy aksıasynyń júz paıyzyn 415 mıllıon dollarǵa satyp aldy. Bul týraly kompanıanyń baspasóz qyzmeti habarlady.

TAV Airports holdıńiniń konsorsıýmdaǵy úlesi 75 paıyzdan kem bolmaǵan. Alda qujattardyń barlyǵy zańdyq turǵydan rettelgen soń barlyq aksıany tabys etý júzege aspaq.

Almaty áýejaıy TAV Airports Holding portfolesinde 15-shi bolyp tur.

– Qazaqstan geografıalyq jaǵynan da, ekonomıkalyq jaǵynan da iri el. Almaty – ishki jalpy ónimniń 20 paıyzy tutynylatyn úlken qala. Odan basqa «zamanaýı Jibek jolynyń», ıaǵnı, Qytaı, Eýropa, Afrıkany baılanystyryp turǵan iri ortalyq. Onyń áleýeti zor. Biz ózimizdiń bilimimizge súıenip, is-áreketterdi júzege asyratyn bolamyz, – deıdi holdıńtiń prezıdenti jáne bas dırektory Sanı Shener.