Koronavırýs saldarynan UBER kompanıasy 2020 jyldyń birinshi toqsanynda 2,9 mıllıard dollar tabysyn joǵaltty. Bul týraly Qamshy tilshisi CNN-ge silteme jasap habarlaıdy.

Kompanıada ótken jyldyń qańtar-naýryz aılarynda da 990 mıllıon dollar shyǵyn bolǵan. Al, bıyl odan úsh ese kóp zıan tartyp otyr.

Alaıda Uber basshylyǵy qazirgi kezde daǵdarystan shyǵýdyń reformalaryn sátti júrgizýde. Kompanıa azyq-túlik jetkizý isin qolǵa alyp, damytýmen birge, artyq shyǵyndardy azaıtý sharalaryn jasaǵan.

Nátıjesinde sońǵy úsh aptanyń ishinde Uber-di paıdalanatyn adamdardyń sany óskeni baıqaldy.

Uber Eats (kompanıanyń tamaq jetkizý qyzmeti) kirisi 800 mıllıon dollardy qurady. Bul byltyrǵy kezeńmen salystyrǵanda 50 paıyzǵa joǵary.

Degenmen, Sılıkon alqaby fırmasy jalǵasyp jatqan pandemıadan qatty zardap shekkenin moıyndaǵan.