Koronavırýsqa baılanysty AQSH-Qytaı qaıshylyǵy kúsheıe túsken kezde qytaılyq jetekshi basylymdardyń biri Global Times "Beıjiń ıadrolyq oqtumsyqtardy úsh ese kóbeıtý kerek" dep málimdedi. Bul týraly Qamshy tilshisi brıtanıalyq The Sun gazetine silteme jasap habarlaıdy. 

Qytaılyq iri basylym Global Times-tyń jazýynsha, Beıjińniń áskerı sheneýnikteri ıadrolyq qarýlardy 300-den 1000-ǵa deıin kóbeıtýi tıis.
Basylym Vashıngtondy Qytaıǵa "áskerı qysym jasady" dep aıyptady, sebebi AQSH áskerı kemeleri Ońtústik Qytaı teńizi, Shyǵys Qytaı teńizi jáne Taıvan buǵazdaryn basyp ótken.

Qytaı komýnıstik partıasynyń múshesi, burynǵy áskerı ofıser, qazirgi Global Times-tyń bas redaktory Hý Sıjın "AQSH-tyń strategıalyq ambısıasyn shekteý úshin Qytaı qysqa merzimde óziniń ıadrolyq oqtumsyqtarynyń sanyn 1000-ǵa deıin kóbeıtýi kerek. Beıjiń keminde júz dana DF-41 zymyranǵa ıe bolýy kerek" dedi.