Prezıdent Toqaev úkimet pen basqa da memlekettik organdardyń aldaǵy strategıalyq is-áreketin aıqyndaıtyn málimdeme jasaıdy. Bul týraly prezıdenttiń baspasóz hatshysy Berik Ýálı málim etti.
"Erteń, ıaǵnı 11 mamyr kúni Qazaqstan Prezıdenti Qasym-Jomart Toqaev Tótenshe jaǵdaı rejımin qamtamasyz etý jónindegi memlekettik komısıanyń otyrysyn ótkizedi. Jıyn barysynda Memleket basshysy koronavırýstyń qazirgi ahýalyn saralap, Tótenshe jaǵdaı rejımi aıaqtalǵannan keıingi Úkimet pen basqa da memlekettik organdardyń aldaǵy strategıalyq is-áreketin aıqyndaıtyn málimdeme jasaýdy josparlap otyr" delingen Berik Ýálıdiń facebook-taǵy jazbasynda.
Pikir qaldyrý