Mańǵystaý oblysynyń ákimi Serikbaı Trumov Munaıly aýdanyna jumys saparymen bardy. Sapar barysynda  Batyr jáne Baıandy  aýyldyq okrýgindegi birqatar nysandardy aralady.

Oblys ákimi aldymen Batyr aýylynda  ornalasqan «Kaspıı Agro Kompanı» JSHS jumysymen tanysty. «Kaspıı Agro Kompanı» JSHS Qazaqstannyń batys aımaǵynda  jylyjaı sharýashylyqtaryn damytý boıynsha memlekettik-jekeshelik áriptestik kompanıasy jobany júzege asyrý maqsatynda 10 naýryz 2009 jyly qurylǵan.

Bul sharýashylyq kesheniniń aýmaǵy 470 gektar. Onyń 19,7 ga aýmaǵynda 4 jylyjaı ornalasqan (ár jylyjaı 1 ga). Munda jergilikti turǵyndardyń jylyjaı, baý-baqsha, kókónis sharýashylyǵy men shaǵyn qus fabrıkalary  ornalasqan. Sharýashylyqtardyń bir bóligi túrli sebepterge baılanysty toqtap tur. Serikbaı Trumov turalap qalǵan sharýashylyqtardyń sebebin anyqtap, birinshi kezekte sharýashylyqtardy sýmen qamtamasyz etý máselesin sheship fermerlerge kómektesý kerektigin  tapsyrdy. Jobanyń maqsaty-tamaq ındýstrıasyn damytý. Aımaq basshysy aýyl sharýashylyǵy –óte mańyzdy damytatyn sala ekenin aıtyp, sharýalardy kóptep tartýdy atap ótti.

Budan keıin aımaq basshysy Batyr aýylynda salynyp jatqan jol qurylysy jáne dárigerlik ambýlatorıanyń jumysymen tanysty. Aýyl ishilik jol salýǵa tartylǵan jumys kúshiniń 90 paıyzy jergilikti turǵyndar.  S.Trumov qurylysqa jaýapty tulǵalarǵa sapasy men merziminiń ýaqytyly aıaqtalýyna asa mán berýdi tapsyrdy.

Sondaı-aq, aımaq basshysy Baıandy aýylynda jóndeý jumystary júrip jatqan №3 orta mektepke bardy. Jumysy qarqyndy júrip jatqan bilim ordasy bıyl oqý jylynyń basynda tapsyrylmaq. Oblys ákimi «Jumyspen qamtý jol kartasy» memlekettik baǵdarlamasymen jumysqa turǵyndardy kóptep tartýdy tapsyrdy. Sondaı-aq, óńir basshysy  Baıandy aýylyndaǵy sý tushshytý zaýytyna boldy. Búginde  sý tushshytý zaýyty kúnine 12-15 myń tekshe metr sý berip otyr. Aýdanǵa qajet sý mólsheri 19-21 myń tekshe metr. Jaz aılarynda aýdanda sý berý mólsheriniń jetkiliksizdigi baıqalady.

Baıandy aýylyndaǵy qoldanystaǵy membranalyq sý tushshytý qondyrǵysy 2010 jyly paıdalanýǵa berilgen. Tozyǵy jetken sý tushshytý qondyrǵysyn jańadan jańǵyrtý arqyly iske qosýǵa 50 mln.teńge qajet. Qondyrǵy iske qosylǵan jaǵdaıda kúnine 100 kýb3 aýyz sý óndirip, Baıandy aýylyn tolyq aýyz sýmen qamtamasyz etýge múmkindik bolady. Aımaq basshysy máselemen tolyq tanysyp sheshý joldaryn qarastyratynyn jetkizdi.  

Budan keıin óńir basshysy Mańǵystaý aýyly óndiristik aımaqta salynyp jatqan «Jamalbek» JSHS qurama jem fabrıkasyna bardy. Joba quny 438,7 mln teńge.  Fabrıka iske qosylǵanda kúnine 5000 kg/táýlik ónim beretin bolady. Jem-shóp fabrıkasy jospar boıynsha aıaǵymdaǵy jyldyń  qyrkúıek-qazan aılarynda tapsyrylady.