Tesla kompanıasynyń bas atqarýshy dırektory Ilon Masktyń qamaýǵa alynýy múmkin ekeni týraly habarlandy. Bul týraly Qamshy tilshisi Reuters-ke silteme jasap habarlaıdy.

Ilon Maqsatyń Kalıfornıadaǵy avtomobıl shyǵaratyn zaýyty jabyq turý týraly buıryqty oryndamaǵan. Osyǵan baılanysty Tesla-nyń bas atqarýshy dırektory "eger kimde-kimdi tutqyndaýǵa týra kelse, meni tutqyndasyn" dedi.

Demalys kúnderi Mask óz zaýytynyń jabylýyna baılanysty Kalıfornıadan Tehasqa nemese Nevadaǵa ketetinin jarıalaǵan. Ol bul qadamy úshin jumys oryndaryndaǵy básekelestikti erekshe atap ótti.

Ilon Mask tvıtter paraqshasynda óndiristi dúısenbide qaıta bastaıtynyn, montajdaý jelisindegi qyzmetkerler jumysqa shyǵatynyn aıtty.

– Eger kimde-kim tutqyndalý kerek bolsa, meni ǵana tutqyndaýyn suraımyn, – dep jazdy ol tvıtterinde.

Zaýyt ornalasqan Alameda okrýginiń densaýlyq saqtaý qyzmetkerleriniń aıtýynsha, dúısenbi kúni keshke Tesla ruqsat etilgen mınımaldy negizgi operasıalardyń shekteýin buzǵan. Jergilikti bılik kompanıaǵa okýrg bekitken josparsyz jumys isteı almaıtynyn habarlaǵan.

Bılik ókilderi dúısenbide kompanıadan jaýap kútkenin jáne «Tesla budan ári májbúrleý sharalaryna jetkizbeıtinine úmittenetinderin» habarlady. Málimdemede zardaptar kórsetilmegen jáne sheneýnikter budan ári túsinikteme bermeıtinin jarıalady.

Jergilikti bılik ókilderi memlekettiń tyıym salý tártibin buzý aıyppulmen, qamaýǵa alýmen nemese eki túrimen teń jazalanatynyn aıtty.