Memleket basshysy Qasym-Jomart Toqaev Almatyǵa jumys sapary barysynda Úkimetke bergen jeke tabys salyǵynyń údemeli ólshemin engizý týraly tapsyrmasynyń mánin túsindirdi. Bul týraly prezıdenttiń baspasóz qyzmetiniń jetekshisi Berik Ýálı málimdedi.

– Qazaqstan Prezıdentiniń pikirinshe, bul jańalyqtyń maqsaty áleýmettik ádildikti qamtamasyz etý. Mundaı júıe birqatar memlekette qoldanylady.

Qasym-Jomart Toqaev aıyna 250-300 myń teńge jalaqy alatyn azamattar tabys salyǵyn 7 paıyzdyq mólsherleme boıynsha tóleýge tıis dep sanaıdy. Iaǵnı, qazirgi 10 paıyzdyq mólsherlemeden tómen bolady. Al, aıyna 300 myń teńgeden 1,5-2 mıllıon teńgege deıin tabys tabatyndar úshin qazirgi 10 paıyzdyq mólsherleme saqtalady.

Prezıdent jylyna 25 mıllıon teńgeden kóp tabys tabatyn azamattar úshin paıyzdyq mólsherleme kólemi artýy tıis degen pikirde. Mólsherleme kólemin Úkimettiń komısıasy anyqtaıdy. Bul rette Memleket basshysy jeke tabys salyǵynyń paıyzdyq mólsherlemesiniń joǵarǵy shekti deńgeıi 15 paıyzdan aspaýy kerek dep esepteıdi, – dedi Berik Ýálı.