2020 jylǵy 1 mamyrdaǵy jaǵdaı boıynsha memlekettik eńbek ınspektorlary respýblıkanyń 310 kásipornynda 7,2 myń jumyskerdiń aldynda jalaqy boıynsha 765 mln teńgeden astam qaryzy bar ekenin anyqtady, dep habarlady eńbek jáne halyqty áleýmettik qorǵaý mınıstrliginiń saıty.

Atalǵan kásiporyndardyń jetekshilerine oryndaýǵa mindetti 113 uıǵarym berilip, 16,2 mln teńgeden astam somaǵa aıyppul salyndy.   

Qabyldanǵan sharalar, onyń ishinde jalaqy boıynsha bereshekti óteýdiń qatań kesteleri men merzimderin belgileý nátıjesinde 6 myńnan astam qyzmetkerdiń quqyqtary qorǵaldy. Olarǵa 700 mln teńge tólendi.

Jalpy, aǵymdaǵy jylǵy qańtar-sáýir aılarynda memlekettik eńbek ınspektorlary 1,3 myń tekserý júrgizip, 2013 QR eńbek zańnamasyn buzý faktilerin anyqtady jáne 66 mln teńge kóleminde aıyppul salyndy.