Shyǵys Qazaqstan oblysynda karantın maýsymnyń birine deıin sozyldy. Bul týraly aımaqtyń bas sanıtar dárigeriniń qaýlysynda aıtyldy.

Óńirde  koronavırýs indetiniń taralýy áli de qaýipti deńgeıde. Ásirese Semeıde sońǵy birneshe táýlikte ınfeksıany juqtyrǵandar kúrt kóbeıip ketti. Al shahardaǵy balabaqsha men  qosymsha bilim beretin mekemelerdiń jumysy ázirge bastalmaıdy. Degenmen qalalyq bilim  bólimi, eger  epıdımologıalyq jaǵdaı ońalsa, kezekshilik toptar ashylady dep kútilýde. Qazir Semeı qalasy boıynsha 10 myńnan asa búldirshin balabaqshaǵa barady.

– Kezek toptaryn qarastyrý jáne basqa da jumystardy  ary qaraı jalǵastyrý úshin qalalyq bilim bóliminde jumystar júrgizilip jatyr. Bolashaqta endı biz bir sheshimge kelgennen keıin ol týraly da, óz sheshimizdi aıtamyz, – dedi qalalyq bilim bólimi basshysynyń orynbasary Gúlnár Orazbekova.