«Damý» qory arqyly kásipkerlerdi qoldaýǵa arnalǵan memlekettik baǵdarlamalarǵa, onyń ishinde «Bıznestiń jol kartasy-2025» pen «Qarapaıym zattar ekonomıkasyna» ózgerister engizildi.
Memleket basshysynyń tótenshe jaǵdaılar kezindegi kásipkerlerdi qoldaý, «BJK-2025» memlekettik baǵdarlamasy boıynsha sýbsıdıa bólýge baılanysty ózgerister maquldandy. Osylaısha, salalyq shekteýler alynyp tastaldy (saýda jobalaryn jáne aınalym qarajatyn tolyqtyrýdy qospaǵanda), Qazaqstan Respýblıkasynyń PK 24-babynyń 4-tarmaǵynda kórsetilgen qyzmet túrleri boıynsha jumys isteıtin jeke kásipkerlik sýbektileri - qumar oıyndary, lotereıalar, esirtki bıznesine baılanysty is-sharalar) quraldar, psıhotroptyq zattar men prekýrsorlar, kúzet qyzmeti jáne t.b. qospaǵanda).
Budan bólek, kásipkerler úshin 6 paıyzdyq biryńǵaı tarıf engizildi. Atalmysh baǵdarlamanyń úshinshi baǵyty alynyp tastaldy (kásipkerlerdiń valútalyq táýekelderin tómendetý).
Sýbsıdıalaýǵa jatatyn nesıeler somasy 5 jylǵa 7 mlrd teńgege deıin ósti. Aınalym kapıtalyn tolyqtyrý maqsatynda Baǵdarlamanyń 1-baǵyty boıynsha nesıe somasy 360 mln teńgege deıin, Baǵdarlamanyń 2-shi baǵyty boıynsha 500 mln teńgege deıin, 2-shi baǵyttaǵy saýda salasyndaǵy jobalar úshin - aınalym qarajatyn tolyqtyrýǵa sýbsıdıalanatyn qaryz somasy 100 mln.teńgeni qurady.
«BJK-2025» baǵdarlamasy boıynsha kepildik berýdiń zańnamasy ózgerdi. Endi kásipkerlikke bet burǵan azamattar baǵdarlamanyń 1-baǵyty boıynsha 180 mıllıon teńgege deıin nesıe, 2-shi baǵyt boıynsha 360 mıllıon teńgege deıingi nesıeni kepildendirip ala alady. Bul rette nesıe somasynyń 85% kepildendiriledi.
Bıznesi jumys istep turǵan kásipkerlerge Baǵdarlamanyń birinshi baǵyty boıynsha 360 mıllıon teńgege deıin nesıe, 2 baǵyt boıynsha 1 mıllıard teńgege deıin kepildeme beriledi. Nesıe somasynyń 50% kepildendiriledi.
Baǵdarlamanyń birinshi baǵyty boıynsha 360 mln teńgege deıin aınalym qarajatyn 100% tolyqtyrýǵa baǵyttalǵan nesıeler, 2 baǵyt boıynsha 500 mln teńge, saýda salalaryndaǵy aınalym kapıtalyn tolyqtyrýǵa baǵyttalǵan jobalarǵa nesıe somasy 100 mln. teńge kóleminde beriledi.
Sondaı-aq salalyq shekteýler alynyp tastaldy (Qazaqstan Respýblıkasynyń PK 24-babynyń 4-tarmaǵynda kórsetilgen saýda men qyzmetti qospaǵanda).
BJK - 2025» baǵdarlamasynda: azyq-túlik, sabyn jáne jýǵysh zattar óndirisi, sanıtarlyq maqsattaǵy qaǵaz ónimderi, avtomobıldermen júk tasymaly, qoıma jáne qosalqy kólik qyzmeti, týrızm, jalǵa berý jáne jeke menshik sektorlardaǵy iri kásipkerlik sýbektileri, jalǵa berý sekildi iri bıznes sýbektileri qosyldy.
«Qarapaıym zattar ekonomıkasy» baǵdarlamasyna da ózgerister engizildi. Soǵan sáıkes baǵdarlamany qarjylandyrýdyń jalpy kólemi 10 jylǵa deıingi merzimmen 1 trln. teńgege deıin ósti. Baǵdarlamaǵa jatatyn taýarlardyń tizimi keńeıtildi. Ekinshi deńgeıli banktermen (EDB) birge agroónerkásiptik keshende (AÓK) óndiris jáne qaıta óńdeý boıynsha basym jobalardy qarjylandyrý operatory Agrarlyq nesıe korporasıasy bolyp bekitildi.
Negizgi qaryzdy jáne syıaqyny nesıe merziminiń jartysynan aspaıtyn merzimge deıin keıinge qaldyrýǵa múmkindik berildi. Sonymen qatar, mundaı jaǵdaılar Memleket basshysynyń, Qazaqstan Respýblıkasy Úkimetiniń Prezıdenti Ákimshiliginiń tıisti sheshimderimen rastalýy kerek.
«Damý» kásipkerlikti damytý qory» AQ Basqarma tóraıymy Gaýhar Býrıbaevanyń aıtýynsha, óńirlerde qarajat tapshylyǵy joq. Memleket «BJK-2025» jáne «QZE» sýbsıdıalary men kepildikterindegi osy ózgeristerdi iske asyrý úshin 2020 jylǵa qosymsha qarjy bóldi, qolda bar qarajatqa qosymsha 44 mlrd teńge bólindi.
Osy baǵdarlamalarda qabyldanǵan ózgertýler kóp kásipkerlerge kómektesýge, bıznes jaǵdaılaryn jaqsartýǵa jáne Qazaqstan ekonomıkasy úshin qajet jobalardy qarjylandyrý múmkindikterin keńeıtýge kómektesedi.
