Nur-Sultan qalasynyń ákimdigi elordaǵa kirip-shyǵýǵa ruqsat berilgenderdiń jańa tizimin jarıalady. 

Algorıtmge sáıkes, blok beketterde sanıtarlyq-karantındik baqylaý júrgiziledi, qaladan shyǵýǵa-kirýge tyıym salynady. Jańa algorıtmi 13 mamyrdan bastap kúshine endi. Alaıda tómendegi sanatqa kiretinderge shahardan kirip-shyǵýǵa ruqsat beriledi:

• halyqtyń tynys-tirshiligin qamtamasyz etý uıymdarynyń qyzmetkerleri;
• TJ rejımi alynyp tastalǵannan keıin óz jumysyn qaıta bastaǵan uıym qyzmetkerleri;
• karantın aımaǵyna, odan tys jerlerdegi saıajaı ýchaskelerine (qala syrtyndaǵy úılerge) bara jatqan tulǵalar;
• medısınalyq kórsetkishter boıynsha shyǵatyn jáne keletin adamdar; kóktemgi egis jumystaryna jiberilgen tulǵalar;
• Aqmola oblysynyń Selınograd, Arshaly, Shortandy jáne Qorǵaljyn aýdandarynyń turǵyndary;
• QR basqa óńirlerinde tirkelgen karantın aımaqtarynan shyǵatyn adamdar sanıtarlyq blokposttarda qajetti qujattardy toltyrǵannan keıin;
• patrúldik polısıanyń erip júrýinsiz jerleý maqsatynda karantın aımaǵyn kesip ótetin azamattar;
• shet memleketterdiń azamattary; karantın aımaǵyna nemese karantın aımaǵynan ózderiniń kámeletke tolmaǵan balalaryna bara jatqan tulǵalar;
• karantın aımaǵyna nemese karantın aımaǵynan syrqat týystaryna kútim jasaý maqsatynda bara jatqan tulǵalar;
• áýe reısimen bara jatqan tulǵalar;
• qalpyna keltirý jumystary jáne sý tasqynyna qarsy is-sharalarǵa kómek kórsetý úshin Túrkistan oblysyna jiberiletin tulǵalar;
• azyq-túlik jáne azyq-túliktik emes taýarlardyń júk kólikteri;
• tranzıt.

Sonymen qatar, bekitilgen qujatta karantın aımaǵyn kesip ótý boıynsha barlyq túpkilikti sheshimderdi jaýapty qyzmetkerler blokpostarda qabyldaıtyny aıtylǵan.

Nur-Sultan qalasynyń karantın aımaǵyn kesip ótetin árbir tulǵa «BLOKPOST» aqparattyq derekter bazasynda mindetti túrde esepke alynýy tıis.