Pedagogıkalyq sheberlik ortalyǵynyń Óskemendegi fılıaly qashyqtyqtan jumys isteýde. Mundaǵy basty maqsat – pedagogterge qashyqtan oqytýdy uıymdastyrýda jan-jaqty ádistemelik kómek kórsetý.
- Sáýir aıynda SHQO muǵalimderi úshin 44 vebınar men 108 konsýltasıa uıymdastyryldy. Oǵan 8257 pedagog qatysty. Vebınar barysynda ózekti taqyryptar talqylandy. Ásirese, qashyqtyqtan oqytý barysynda tıimdi keri baılanys ornatý, ata-analar men balalarǵa psıhologıalyq qoldaý kórsetý syndy taqyryptar qozǵaldy, - dedi pedagogıkalyq sheberlik ortalyǵynyń Óskemendegi fılıalynyń dırektory Gúljan Zeınoldına.
Pedagogıkalyq sheberlik ortalyǵynyń Óskemendegi fılıalynyń trenerleri SHQO muǵalimderine «Qashyqtyqtan oqytý aıasynda jalpy bilim beretin mektepterdegi 1-10 sypytarda bólim boıynsha jıyntyq baǵalaý (BJB) jáne toqsan boıynsha jıyntyq baǵalaý (TJB)» taqyryby boıynsha túsindirý jumystaryn júrgizdi.
- Qazirgi jaǵdaıda muǵalimderdiń biliktiligin arttyrýǵa baılanysty birneshe baǵdarlamany onlaın-kýrsqa aýystyrdyq, mysaly mektep dırektorynyń tárbıe boıynsha orynbasarlaryna arnalǵan kýrsty maýsym aıynda onlaın túrde bastaımyz dep josparlap otyrmyz, - dedi Gúljan Toqtarhanqyzy.
Pikir qaldyrý