Shyǵys Qazaqstan gýmanıtarlyq kolejiniń barlyq stýdenti kanvass platformasy boıynsha qashyqtyqtan bilim alýda. Bul Bilim jáne ǵylym mınıstrliginiń 108 jáne keıingi shyqqan 123 buıryǵyna sáıkes júzege asyrylýda.

Kolej dırektory Farhad Qurmanovtyń aıtýynsha, ishteı bólimde 1138 stýdent oqıdy.

- Qashyqtyqtan oqytý júıesine kóshý barysynda birqatar qıyndyq týyndady. Alaıda munyń bári ýaqyt óte kele sheshimin tapty, - dedi Farhad Qurmanov.

Aıta keteıik, Shyǵys Qazaqstan gýmanıtarlyq koleji 15 stýdentke bir jyldyq abonementi bar roýterlerdi tegin taratty. Olardyń deni áleýmettik jaǵynan az qamtylǵan jáne kópbalaly, sondaı-aq jetim balalar ekenin atap ótken oryndy. Budan bólek ınternet jelisi nashar jerde turatyn kolejdiń 19 stýdentine fleshkamen aqparattar jiberiledi.

- Ustazdar qaýymy qashyqtyqtan oqytý júıesine kóshý barysynda 100-ge jýyq vıdeo sabaq daıyndady. Ony bizdiń kolejdiń ıýtýb kanalynan kórýge bolady. Sonymen qatar kolejdiń resmı saıtynda kanvass platformasyna engizilmegen elektrondy kitaptar qoıylǵan. Bul óz kezeginde stýdentterdiń sapaly bilim alýy úshin jasalýda, - dedi Farhad Qurmanov.

Búginde atalmysh kolejdiń 2-3 kýrs stýdentteri is-tájirıbeden onlaın rejımde ótip jatqanyn aıta ketken oryndy.