Shyǵys Qazaqstandyqtar karantın bastalǵaly beri HQO-nyń biryńǵaı terezesinen 13 myńnan astam daıyn qujatyn alyp ketken. Bul qujattardyń basym bóligi karantın barysynda onlaın rásimdelgen, qalǵan bóligi – HQO jabylǵanǵa deıin.

Esterińizge salaıyq, 26 naýryzdan bastap barlyq halyqqa qyzmet kórsetý ortalyqtarynyń jumysy toqtatylǵan bolatyn. «Azamattarǵa arnalǵan úkimet» memlekettik korporasıasy qazaqstandyqtar úshin budan buryn ótinish berilgen, sondaı-aq elektrondy formatta tapsyrys berilgen qyzmetter boıynsha daıyn qujattardy alyp ketýge bolatyn biryńǵaı terezeni iske qosty. Bul úshin ár qala men aýdandarda bir-bir HQO belgilengen bolatyn.

Daıyn qujattardy kóbine Shyǵys Qazaqstan, Túrkistan,Almaty oblystarynyń turǵyndary alǵan.

Biryńǵaı terezede berilgen qujattardyń deni – AHAT qujattary, júrgizýshi kýálikteri, kóliktiń tehnıkalyq pasporty men tirkeý nómirleri, jyljymaıtyn múlik pen jer ýchaskeleriniń qujattary, sondaı-aq jeke kýálik pen pasport.

Bul rette, TJ bastalǵaly beri qazaqstandyqtar egov.kz elektrondy úkimet portaly men eGovKzBot2.0 telegram-boty jáne eGovMobile qosymshasy arqyly 10,5 mln jýyq qyzmetti onlaın túrde alǵan.

Daıyn qujattardy berý terezeleriniń jumys kestesi: dúısenbi-juma 9.00-den 17.00-ge deıin. Senbi – saǵat 9.00-14.00 aralyǵy.

Daıyn qujattardy berýge arnalǵan qalalyq jáne aýdandyq bólimderdiń tizimin myna jerden kórýge bolady: gov4c.kz