Mańǵystaýda 15 mamyrdan bastap temirjol bıletteri kezeń-kezeńimen satylymǵa shyǵady.

2020 jyldyń 1 maýsymynan bastap Mańǵystaý temirjol stansıasynan Nur-Sultan, Almaty, Aqtóbe, Atyraý jáne Beıneý baǵyttary boıynsha jolaýshylar poıyzy júre bastaıdy.

Qaýipsizdik sharalary temirjol vokzaly men qatar jolaýshylar poıyzynda da qatań saqtalady. Zalalsyzdandyrý jumystary júrgiziledi.

-«Adamdardyń kóp shoǵyrlanýyna baılanysty vokzal ishinde jáne syrtynda 1 metr araqashyqtyqty saqtap turýlary mańyzdy. Osy maqsatta bir-birnen alshaq turýy úshin jerge arnaıy belgiler qoıylady» - deıdi Mańǵystaý temirjol vokzalynyń bastyǵy Alma Aıymqulova.

Temirjol bıletteri 15 mamyrdan bastap kezeń-kezeńimen satylymǵa shyǵady. 1 maýsymda  Mańǵystaý stansıasynan kún saıyn júretin №309/310 «Mańǵystaý – Aqtóbe» poezyna, al 2 maýsymnan bastap jup kúnderi júretin №37/38 «Mańǵystaý – Nur-Sultan-Nurly jol» poezyna bıletter satyla bastaıdy dep kútilýde.

Al, qalǵan jolaýshylar poezdarynyń júrý qozǵalysy týraly aqparat aldaǵy ýaqytta qosymsha habarlanady.

-«Aımaqta karantın tártibi engizilgenge deıin bılet satyp alyp, keıin tapsyrýǵa úlgermeı qalǵan turǵyndar bizge aıaqtaı kelip te, telefon shalyp ta jıi habarlasyp jatyr. Osy rette aıtarym: belgili bir sebeptermen jolǵa shyǵa almaı qalǵan jolaýshylardyń 6 aıǵa deıingi ýaqytta óz bıletin kasaǵa tapsyrýyna bolady. Jol júrý qujatynyń quny tolyq kólemde qaıtarylady» - deıdi A.Aıymqulova.