Mańǵystaýda qulshylyq etetin oryndar (meshitter, shirkeýler) 25 mamyrdan bastap arnaıy sanıtarlyq talaptardy saqtaı otyryp ashylady. 

Bul týraly qoǵamdyq komýnıkasıa ortalyǵynda ótken brıfıńte Mańǵystaý oblystyq din isteri basqarmasynyń basshysy Maqsatbek Mahanbetov málimdedi.

Ózderińizge málim, Qazaqstan musylmandary dinı basqarmasynyń tóraǵasy, Bas múftı Naýryzbaıqajy Taǵanuly Qazaqstandaǵy barsha musylman qaýymǵa úndeý jasap, 2020 jylǵy 18 mamyrdan bastap elimizdegi barlyq meshitterdiń ashylatyny týraly habarlady.

          -Alaıda, bul ruqsat etilgen sharalar tek tótenshe jaǵdaımen qatar, karantın tártibi de alynǵan óńirlerge baılanysty ekenin nazarlaryńyzǵa salǵym keledi, - deıdi Maqsatbek Mahanbetov.

          Qazaqstan Respýblıkasynda tótenshe jaǵdaı rejımi alynyp tastalǵanymen, keıbir aımaqtarda epıdemıologıalyq jaǵdaı áli de turaqty emes, onyń ishinde Mańǵystaý oblysynda derttiń taralýy báseńdemeı otyr. Sol sebepti, oblysta karantın tártibi 25 mamyrǵa deıin sozyldy.

          Sondyqtan, óńirdegi epıdemıologıalyq jaǵdaıdy eskere otyryp, Mańǵystaý oblysynda top bolyp qulshylyq etetin oryndardy (meshitter, shirkeýler) ashýǵa áli erte.

Ókinishke qaraı, bıyl 25-mamyrǵa deıin oblysymyzdyń barlyq meshitterinde oraza aıt namazy, juma namazy jáne taraýıq namazy oqylmaıdy. Qasıetti ramazan aıynda keletin Qadir túninde meshit jabyq bolýyna baılanysty ımamdar bıyl áleýmettik jelilerde tikeleı efırde ózderiniń úgit-nasıhat jumystaryn júrgizip, ýaǵyzdaryn aıtatyn bolady, - deıdi Aqtaý qalalyq Beket Ata meshitiniń bas ımamy Qaırat Mamanbaev.

          Eger jaǵdaı turaqtalsa, 2020 jyldyń 25 mamyrynan bastap oblystaǵy barlyq qulshylyq etetin oryndardy (meshitter, shirkeýler) arnaıy sanıtarlyq talaptardy saqtaı otyryp ashylatyn bolady.