Shyǵys Qazaqstan oblysynda qatań rejımdegi OV-156/15 túrmesinde neke qıý rásimi onlaın ótti.

Sottalýshy R. men súıiktisi aýyr kezeńdi birge ótkizýge bel býǵan. Qalyńdyq neke qıý rásimin onlaın-rejımde ótkizý úshin AHAT bóliminiń qyzmetkerlerimen birge kelgen. Qalyńdyq onyń neke qıý týraly kýálikke qol qoıǵanyn baqylap otyrdy. AHAT qyzmetkeri olarǵa negizgi suraqtardy qoıdy: olar ómirdi birge ótkizýge daıyn ba? Bul sheshim eki jaqtyń kelisimimen qabyldanǵan ba? Osylaısha kúıeý jigit pen qalyńdyq kompúter monıtory arqyly «IÁ» dep jaýap berdi.

Jastar bir-birine júzik berdi, biraq kúıeý jigit tek bostandyqqa shyqqan soń taǵatyn bolady. Rásimge sottalýshynyń ákesi qatysyp, jastardy quttyqtap, qalyńdyqqa gúl syılady.

– Jastarǵa otbasylyq baqyt tileımiz jáne tezirek bir-birlerine qosylyp, balalaryn tárbıeleýlerine tilektespiz, – dedi SHQO Qylmystyq-atqarý júıesi departamentiniń baspasóz qyzmetiniń ókilderi.