Dısertasıany qorǵaý kezindegi jarıalanymdarǵa qoıylatyn talaptar qaıta qarastyryldy. Bul týraly Bilim jáne ǵylym mınıstri Asqat Aımaǵambetov Facebook paraqshasynda jarıalady.

– QR Bilim jáne ǵylym mınıstrliginiń tıisti buıryǵy QR Ádilet mınıstrliginde tirkeldi. Buǵan deıin doktorant qorǵaý kezeńine deıin jetý úshin 7 maqala jarıalaýy tıis bolatyn. Bul kórsetkishke qol jetkizý úshin doktoranttar sapasy kúmán týdyratyn jýrnaldarda jarıalanymdar jasaýǵa májbúr boldy. Bizdiń ǵalymdardyń maqalalary halyqaralyq bazalardan alynyp tastalǵan, túkke turmaıtyn jýrnaldarda jarıalanǵan kezder de boldy. Osyǵan baılanysty biz bul tájirıbeni ózgertý jóninde sheshim qabyldadyq, – dedi mınıstr.

Ol endi sapasy tómen jýrnaldarda 7 maqalanyń ornyna, joǵary kvartılge kiretin basylymdarda maqalalar jarıalansa jetkilikti dep atap ótti.

– Al birinshi kvartıl quramyna kiretin jýrnaldarda bir ǵylymı maqala shyqqan bolsa, ózge jarıalanymdar talap etilmeıdi. Bul shara sapasyz jarıalanymdardyń sanyn azaıtyp, júktemeni jeńildetedi jáne ǵalymdardy dáıeksózderi taralý boıynsha joǵary deńgeıdegi orıgınaldy ǵylymı maqalalar jazýǵa yntalandyrady, – dep jazdy A. Aımaǵambetov.