Búgin belgili jýrnalıs Beısen Quranbek 49 jasqa qaraǵan shaǵynda aýyr syrqattan kóz jumdy. Qamshy.kz aqparat agenttigi marqumnyń jazyp ketken keıbir taǵylymdy sózderin oqyrman nazaryna usynady.

" – Bizdiń baıymyz kezinde arystandaı aqyryp turýshy edi. Qazir qatynynan qoryqpaı aıqaı salatyn erkek bar ma ózi? – dedi oıyna oı túsip ketken apam.

– Qaıtedi eken dep: «Áı, qatyn!» dep aıqaı saldym, as úıde júrgen kelinshegime. Aıtarymdy aıttym ǵoı. Biraq, ishim qylpyldap ketti, renjip qalmas pa eken dep.

Sodan ba, daýysym da túz taǵysynikindeı yzbarly emes, sırktegi ańnyń únindeı jalynyshty shyqty.

Sony baıqap qoıǵan apam: atań aıqaılaǵanda men súrinip, qabynyp jetýshi em, seniń «áı, qatynyńnan» anaýyń selt etpedi de ǵoı dep kúldi.

Apammen aradaǵy jarasymdy qaljyńnyń biri ǵoı. Dese de, oılanyp qaldym. Qazir biz erkekter tym sypaıy bolamyz dep erkektik tabıǵatymyzdy uıyqtatyp tastaǵan joqpyz ba?"

(Beısen Quranbek facebook paraqshasynan)