Atyraý oblysyndaǵy atysqa qatysy bar degen kúdiktilerdiń biri ustaldy.

"15 mamyrda Atyraý oblysy Maqat aýylynda atys bolyp, 1985 jylǵy jergilikti turǵyn qaza tapty. Polısıa qyzmetkerleri eki kúdiktini anyqtady. Olardyń biri ustalyp, qamaýǵa alyndy. QR Qylmystyq kodeksiniń 99-babynyń 1-bóligi boıynsha sotqa deıingi tergeý bastaldy. Qylmystyq-prosestik kodekstiń 201-babyna sáıýes, sotqa deıingi tergeý málimetterin jarıalaýǵa bolmaıdy", - delingen óńirlik polıseılerdiń habarlamasynda.

Eske salaıyq, keshe Atyraý oblysynda atys bolyp, bir adamnyń qaza tapqany habarlanǵan edi. Resmı emes málimetke sáıkes, jergilikti turǵyndar arasynda janjal týyndap, jappaı tóbeles bolǵan. Onyń sońy atysqa ulasypty. Tóbeles barysynda ańshylyq qarýy qoldanylǵan. 35 jastaǵy er adam oqıǵa ornynda qaza tapqan. 29 jastaǵy turǵyn jaralanǵan. Ol aýdandyq aýrýhanaǵa jatqyzylǵan.