Almatyda 25 mamyrdan bastap aýmaǵy 500 sharshy metrden astam 138 saýda nysanynyń jumysyna qoıylǵan shekteý alynady, dep Qamshy.kz aqparat agenttigi QazAqparat deregin negizge alyp habarlaıdy.

"Saýda ortalyqtaryna túngi saǵat 23:00-ge deıin jumys isteýge ruqsat beriledi. Saýda úıleri men ortalyqtardyń aýmaǵynda ornalasqan fýd-korttardy ashý – 2-shi kezeń sheńberine, SPA, fıtnes-ortalyqtary men oıyn-saýyq nysandaryn ashý – 3-shi kezeńge josparlanyp otyr. Olardyń ashylý kúni qaladaǵy epıdemıologıalyq jaǵdaıǵa baılanysty bolady", delingen ákimdiktiń habarlamasynda.

Sonymen qatar saýda ortalyqtarynyń aýmaǵynda ornalasqan azyq-túlik satpaıtyn býtıkter, sán salondary, hımıalyq tazalaý jáne meıramhanalar jumysyn bastaıdy.