Elordadaǵy Almaty aýdanynyń ákimi Ádilbek Sársembaev qyzmetinen ketti. Bul týraly Facebook paraqshasynda jarıalady.

Endi ol «Qazaqstan ınjınırıń» UK» AQ Basqarma tóraǵasy bolyp taǵaıyndaldy.

Onyń aıtýynsha, basqa qyzmetke aýysyna baılanysty, Almaty aýdanynyń ákimi qyzmetin toqtatqan.

– Bul laýazymda men 3,6 jyl qyzmet atqardym, shynymdy aıtsam, ýaqyt zymyrap ótti. Kúndelikti, biz áriptesterimizben aýdanymyzdy jaqsy jaǵynan kórsetýge tyrystyq, halyqpen kezdesýler ótkizdik, aýdan aýmaǵyn jumys babymen araladyq, issharalar ótkizdik.

Turǵyndarmen jaqsy baılanys ornata alǵanymdy maqtan tutamyn, biz turǵyndardy mazalaǵan máselelerdi bildik jáne turǵyndardyń qajetsinýine súıene otyryp sheshimder qabyldadyq! Osy ýaqyt ishinde turǵyndar aldynda birneshe márte esep berdim, isjúzinde turǵyndardyń barlyq ótinishin oryndadym, biraq, olardyń basynda biraz sheshilmegen problemalar qaldy, apparat ujymynyń jumys isteıtinine jáne bul máselelerdi sheshetindigine senimdimin

Sizderdiń barlyqtaryńyzǵa jyly sózderińizben jáne isterińizben qoldaý bildirgenderińiz úshin alǵys bildirgim keledi, ol ákim qyzmetinde óte mańyzdy, halyqtyń qoldaýyn sezingende barlyq mindetterdi sheshý áldeqaıda jeńil bolady!!!

Sizderge baqyt, densaýlyq, bastaryńyzǵa beıbit kún tileımin!!! Bizdiń aýdanymyz, Elordamyz, Elimiz gúldene bersin!!!, – dep jazdy Á. Sársembaev.