Qazaqstanda qorytyndy atestattaý jáne bilim alýshylardyń dıplomdyq jumysyn qorǵaý onlaın formatta ótedi. Bul týraly elorda ákimdiginiń resmı saıty habarlady.

Bıyl qorytyndy atestattaý jáne bilim alýshylardyń dıplomdyq jumysyn (jobasyn) qorǵaý Microsoft teems, AIS «Platonus» platformalarynda, ZOOM, Google, Slass room arqyly beınebaılanyspen onlaın ótkizý josparlanýda. Sondaı-aq Nur-Sultan qalalyq bilim basqarmasynyń baspasóz hatshysy Altynaı Zarlyqqyzy barlyq emtıhan beınejazbaǵa jazylady dep atap ótti. 

Onyń aıtýynsha, qashyqtan oqýdyń nátıjeli bolýy maqsatynda oqýshylar men pedagogtardyń kompúter jáne ınternet jelisimen qamtylýyna monıtorıń júrgizilgen.

– Monıtorıń qorytyndysy boıynsha bilim basqarmasymen mektep balansyndaǵy 7118 kompúter kópbalaly jáne az qamtylǵan otbasylardan 6500 oqýshyǵa jáne 618 pedagogke ýaqytsha paıdalanýǵa berildi. Qosymsha 2613 noýtbýk jáne ınternetpen qamtý úshin 5200 flesh-karta satyp alyndy, – dedi A. Zarlyqqyzy.

Osy oqý jylynda kolejderdegi túlekter sany – 6 605 stýdent, onyń ishinde 3787-si memlekettik taspyryspen bitiredi. Bilim alýshylar men oqytýshylar qajetti tehnıkamen: kompúter, flesh-karta jáne wi-fi roýtermen qamtamasyz etilgen.