Nur-Sultan qalasy Esil aýdandyq soty "Kóshe partıasy" "Qazaqstannyń demokratıalyq tańdaýy" qozǵalysynyń ekstremıstik áreketin jalǵastyrý úshin jáne jaýaptylyqtan jaltarý maqsatynda jasalǵan qozǵalys ekenin málimdep, onyń jumysyna tyıym saldy.

Bas prokýratýra saıtynda jarıalanǵan aqparatqa saı, "QDT" kóshbasshylary 2019 jylǵy jeltoqsannan bastap onyń ataýyn "Kóshe partıasyna" ózgertý jóninde sharalar qabyldaǵan. Muny ishki ister mınıstrligi sotqa deıingi tergep-tekserý barysynda anyqtaǵan.

Nátıjesinde Nur-Sultan qalasy Esil aýdandyq sotynyń 2020 jylǵy 19 mamyrdaǵy sheshimimen atalǵan uıym ekstremıstik dep tanylyp, Qazaqstan aýmaǵynda tyıym salyndy.

"QDT" uıymynyń qyzmetine, onyń ishinde "Kóshe partıasy" degen jańa ataýymen kez kelgen túrde qatysýǵa;

"QDT"/"Kóshe partıasy" ıdeıalaryn nasıhattaý jáne qoldaý, osy maqsattarda jarıalanymdardy, paraqshalardy jáne ózge de aqparattyq materıaldardy kez kelgen quraldarmen jáne tásildermen daıyndaý, shyǵarý, kóbeıtý jáne taratýǵa;

"QDT"/"Kóshe partıasy" atynan nemese ony qoldaýǵa mıtıńiler, demonstrasıalar, jarıa aksıalaryn jáne basqa da buqaralyq is-sharalardy uıymdastyrýǵa jáne ótkizýge;

Aqshany nemese ózge de múlikti usyný jáne jınaý, syıǵa tartý, aıyrbastaý, qaıyrmaldyq, demeýshilik jáne qaıyrymdylyq kómek, aqparattyq jáne ózge de qyzmetter kórsetý jolymen "KDT"/"Kóshe partıasy" qyzmetin qarjylandyrýǵa tyıym salynǵanyn túsindiredi" delingen aqparattyq habarlamada.

Atalǵan baptardy buzǵandarǵa bas bostandyǵynan aıyrý túrindegi jaza qoldanylady

Sondaı-aq, olar tatýlasýyna jáne kepilgerligine oraı qylmystyq jaýaptylyqtan jáne jazadan bosatylmaıdy (QK-niń 63, 68-78-baptary).