Almaty qalasy ákiminiń orynbasary Erjan Babaqumarov mádenıet nysandarynyń jumysyn jańǵyrtýǵa daıyndyqty baǵalaý jónindegi monıtorıńtik top qurýdy tapsyrdy. Bul týraly qala ákimdiginiń baspasóz qyzmeti habarlady.

​Erjan Babaqumarov qalanyń bas memlekettik sanıtar dárigeri Jandarbek Bekshın jáne qalalyq mádenıet basqarmasynyń basshysy Ernar Qurmashevpen birlesip mádenı mekemeler men kásiporyndardyń jetekshilerimen kezdesý ótkizdi. Jınalysqa respýblıkalyq jáne qalalyq mádenıet jáne óner nysandarynyń basshylary, sonymen qatar jekemenshik uıymdardyń ókilderi qatysty.

​Kezdesý barysynda Almaty qalasynda mádenı nysandarynyń jumysyn bastaý máselesi qaraldy. Qazir megapolıste 134 mádenı uıym, olardyń ishinde 41 respýblıkalyq, 40 qalalyq, 6 vedimistik jáne 47 jekemenshik uıym bar. Mádenıet salasynda barlyǵy 8500 adam jumys isteıdi.

​Qalalyq mádenıet basqarmasynyń aqparatyna sáıkes, mádenıet nysandary úshin karantın sharalaryn jeńildetýdiń alǵashqy qadamy 2020 jyldyń 25 mamyrynda bastalady. Sol kúnnen bastap bir ýaqytta kelýshiler sany 30 adamnan aspaıtyn, kelýshiler men kórermendersiz, sanıtarlyq-dezınfeksıalyq tártipti qatań saqtaǵan jaǵdaıda jeke jáne toppen daıyndyq (repetısıa) ótkizýge ruqsat etiledi. Sonymen qatar, mádenıet uıymdary jetekshilerine usynylady:

• eger jumysty qashyqtan isteý múmkin bolsa, qyzmetkerlerdi qashyqtan jumys isteý rejımine aýystyrý;
• kireberis pen shyǵatyn jerge qoldy zalalsyzdandyrý úshin sanıtaızerler ornatý;
• barlyq qyzmetkerlerge bir rettik maskalar men qolǵaptar qoldaný;
• edenderdi jýý jáne ústelder, sóreler, oryndyqtar, baspaldaqtardyń jaqtaýlaryn, esikterdiń ústińgi jaǵyn (qabatyn) kúnine kem degende 3 ret jýyp, tazartyp, sońynan 15 mınýt jeldetý;
• aqaýsyz istep turǵan jeldetý júıesimen qamtamsyz etilýi kerek.

Kelesi kezeńde qalyptasqan epıdemıologıalyq jaǵdaı men mádenıet nysandaryna bir ýaqytta kelýshilerdiń sanyn shekteý normasyn saqtaı otyryp, aýmaǵyna qaraı zaldarda kelýshilerdiń sanyn 50 paıyzdan asyrmaý qaǵıdalary eskerile otyryp, azamattardyń mádenıet oryndaryna kelý máselesi qaralmaq.
Buqaralyq mádenı-demalys jáne oıyn-saýyq is-sharalaryna 1 shildege deıin uıymdastyrýǵa tyıym salynady.

Jandarbek Bekshın mádıenet nysandary basshylaryn barlyq qaýipsizdik sharalaryn qatań saqtaýǵa jáne tıisti sanıtarlyq-epıdemıologıalyq sharalardy júrgizýdiń mańyzdyǵyna nazar aýdarý qajettine toqtaldy. Ásirese mádenıet nysandarynyń jumysyn jańǵyrtýdyń birinshi kezeńi aıasyndaǵy áreketter algorıtmine basa nazar aýdaryldy.

– Murajaılar, galereıalar, kınoteatrlar men basqa da mádenıet nysandaryyń jumysyndaǵy algorıtminde qarastyrylǵan barlyq talaptardy saqtaı otyryp, kúsheıtilgen dezınfeksıalyq rejımdi qamtamasyz etý kerekpiz. Uıymdarda epıdemıaǵa qarsy sharalardyń saqtalýyn – termometrıanyń júrgizilýin, jumys kezinde qolǵaptar men maskalardyń qoldanylýyn jáne olardyń ýaqtyly aýystyrylýyn, personal arasynda ınstrýktaj ótkizýdi, jýatyn dezınfeksıalyq quraldardyń bolýyn, arnaıy oryndarda jeke tamaqtanýmen qamtamasyz etilýin, jeke gıgıena saqtaý úshin jaǵdaıdyń jasalýyn qadaǵalaıtyn jaýapty adam bolýy kerek. Nysandar jaramdy jeldetý júıesimen qamtylýy kerek, –  dedi J. Bekshın.

Sonymen birge uıymdardyń ákimshilikterine jeke avtokóligi joq qyzmetkerlerdi úılerine jetkizýdi uıymdastyrý usynysy jasaldy.

Kezdesý barysynda M.Lermontov atyndaǵy Memlekettik akademıalyq orys drama teatrynyń dırektory Iý. Iakýshev, Ó. A. Joldasbekov atyndaǵy Stýdentter saraıynyń dırektory J.Karmanova, ARTıSHOK teatrynyń basqarýshy dırektory, teatr aktrısasy A. Tarasova jáne t. b. qatysty.

Erjan Babaqumarov kórermenderdiń, sondaı-aq, mádenıet salasy qyzmetkerleriniń qaýipsizdigin qamtamasyz etý mindetiniń birinshi kezekte ekendigin atap ótti. Qalanyń mádenıet basqarmasyna joǵaryda atalǵan epıdemıologıalyq talaptar boıynsha nysannyń daıyndyǵyna aldyn ala baǵa berý jóninde monıtorıńtik top qurý tapsyryldy. Qaýipsizdik sharalary qamtamasyz etilmegen jaǵdaıda nysandarǵa karantın sharalaryna daıyndyǵy týraly akt berilmeıtin bolady.

Qaýipsizdik sharalaryn saqtaýǵa basshylardyń jaýapkershiligi belgilendi.