Koronavırýstyq pandemıa saldarynan álemdik ekonomıkanyń quldyraýy búkil álemde shamamen 60 mıllıon adamnyń qatty kedeılikke ushyraýyna ákeledi. Bul týraly Dúnıejúzilik banktiń (DB) basshysy Devıd Malpass málimdedi.
Dúnıejúzilik banktiń anyqtamasy boıynsha, óte kedeı adamdardyń kúndelikti kirisi $ 1,9 jáne odan tómen. Sondaı-aq Malpass jýrnalıserge bank bıylǵy jyly álemdik ekonomıkadaǵy tereń quldyraýdy boljaıdy dep málimdedi.
"Pandemıa jáne damyǵan ekonomıkalardyń toqtap turýy 60 mıllıonǵa jýyq adamdy kedeılendirýi múmkin. Bul jaqynda kedeılikpen kúres jumystarynyń aıtarlyqtaı bóligin joqqa shyǵarady», - dep málimdedi Malpass.
Bank 15 aı ishinde ekonomıkasy quldyraýǵa ushyraǵan elderge 160 mıllıard dollar kóleminde sýbsıdıalar men basqa da ekonomıkalyq qoldaý kórsetýge mindet aldy.
Pikir qaldyrý