Memleket basshysy Qasym-Jomart Toqaev Reseı Federasıasynyń Qazaqstandaǵy elshisi Alekseı Borodavkındi qabyldady, dep habarlaıdy Aqorda.

Kezdesý barysynda Qazaqstan men Reseı arasyndaǵy jan-jaqty strategıalyq seriktestiktiń qazirgi ahýaly men perspektıvalary talqylandy. Saýda-ekonomıkalyq, ınvestısıalyq jáne mádenı-gýmanıtarlyq yntymaqtastyqty damytýǵa erekshe mán berildi.

Qazaqstan Prezıdenti koronavırýs pandemıasy kezindegi yqpaldastyqty ekijaqty formatta, sondaı-aq, Eýrazıalyq ekonomıkalyq odaq aıasynda odan ári nyǵaıtýdyń mańyzdylyǵyn atap ótti. Taraptar bıylǵy qarasha aıyna josparlanǵan óńiraralyq yntymaqtastyqtyń XVII forýmyna daıyndyq barysyn qarastyrdy.

Memleket basshysy atalǵan is-sharanyń sapaly ári mazmundy bolýyn qamtamasyz etý qajettigine nazar aýdardy. Sonymen qatar kezdesýde óńirlik jáne halyqaralyq kún tártibindegi ózekti máseleler talqylandy.