QR Memlekettik bas sanıtarlyq dárigeri Aıjan Esmaǵambetova Atyraý oblysyndaǵy Teńiz kenishinde 935 adamnyń koronavırýs juqtyrǵanyn aıtty. Bul týraly Qamshy.kz aqparat agenttigi QazAqparat deregin negizge alyp habarlaıdy.

– İndetke shaldyǵý kórsetkishiniń ósimine jabyq ujymdardaǵy naýqastar sanynyń artýy sebep bolyp otyr. Búgingi kúni 935 jaǵdaı tirkelgen Teńiz kenishinde syrqattanýshylardyń artýy baıqalady. Shymkentte de «PetroKazakhstan Oil Production» JSHS qyzmetkerleri arasynda jappaı syrqattaný tirkeldi. Kompanıa qyzmetkerleri arasynda 101 jaǵdaı, merdiger uıymdarda – 23 jáne úı oshaqtarynda baılanysta bolǵandar arasynda 69 jaǵdaı tirkelip otyr. Qaraǵandy oblysynda «Qazaqmys» koroporasıasy kenishteriniń birinde 34 jaǵdaı tirkeldi, – dedi A. Esmaǵambetova.

Onyń aıtýynsha, Teńiz kenishinde syrqattanýdyń artýyna baılanysty Atyraý oblysyna úkimettik komısıa jiberilgen. Komısıa sheshimimen atalǵan kenishte koronavırýstyń aldyn alýǵa baǵyttalǵan jumystardyń jospary, kestesi qabyldandy.

– Qazirgi ýaqytta atalǵan jospardyń, kesteniń oryndalýyna baqylaý júrgizý qajet. Olaı bolmaǵan jaǵdaıda, naýqastar sanynyń artýyna baılanysty oqshaýlanýǵa jáne kásiporynnyń ózdiginen ne májbúrli túrde jabylýyna alyp keledi, – dep atap aıtty.