Keshe NASA ǵalymdary jaǵynan "ýaqyty keri qaraı júretin paralel álemnen kelýi múmkin" dep tujyrymdalǵan bólshekterdiń tabylǵanyn habarlaǵan bolatynbyz. Kóp uzamaı ol derekter ózge de álemdik jetekshi ǵalymdarǵa berlidi. Bul týraly Qamshy tilshisi brıtanıalyq Daily Mail basylymyna sileteme jasap habarlaıdy. 

Jańa tabylǵan bólshekterdiń qupıasyn túsiný úshin Antarktıdada tájirıbe jasap jatqan NASA ǵalymdary tobynyń (ANITA) derekterin basqa úzdik ǵalymdar da taldaı bastady. Olardyń ishinde Kanadanyń Vaterloo qalasyndaǵy Teorıalyq fızıka ınstıtýtynyń qyzmetkeri Nıl Týrok ta bar. 

Týrok jáne onyń komandasy birqatar kúrdeli esepteýler júrgizdi. Olardyń oıynsha, Antarktıkada baqylanǵan neıtrınolar bólshekterdiń múldem jańa túri bolýy múmkin. Ol bólshekter «ońqaı neıtrıno», solaqaı «nevrıno» degen atpen tanymal. 

Týrok ońqaı jáne solaqaı neıtrınolar materıa men antımaterıa sıaqty bolýy múmkin dep senedi. Ol materıa men antımaterıanyń ýaqyttary qarama-qarsy baǵytta qozǵalatyn bólshekterdiń bir túri ekendigi týraly tujyrym jasady.

Bul teorıaǵa sáıkes, bólshekter múldem jańa álemnen kelgen.

Bul jańa álem Úlken jarylys kezinde bizdikimen birdeı núktede paıda bolǵan, biraq ýaqyttary qarama-qarsy baǵytta qozǵalady, ol álem bizdikindeı úlkeıýdiń ornyna kerisinshe kishireıedi jáne materıadan emes antımaterıadan turady.

Antarktıdada baıqalǵan jumbaq neıtrıno bizdiń ǵalamda jıi kezdesetin neıtrınolardyń aınasy sıaqty, bul onyń bizben múlde kerisinshe fızıkalyq zańdylyqta bolatynyn túsindiredi.

NASA zertteýshlier tobynyń basshysy Orhamnyń aıtýynsha, onyń komandasy áli de derekterdi saraptap, resmı qujat daıyndaý úshin jumys istemek. Onyń pikirinshe, bul úlken qadam bolady.

–Biz ony qalaı kórsetetinimizdi áli bilmeımiz, biraq bizde bir tańǵajaıyp nárse bar,–dedi ol New Scientist-ke.