Shyǵys Qazaqstan oblysyndaǵy adam kóp shoǵyrlanǵan eldi mekenderdiń mańaıyndaǵy eki myńnan astam sý qoımasynda sýǵa shomylýǵa ruqsat berildi. Bul týraly SHQO aqparattyq ortalyǵynda ótken brıfıń barysynda TJD basshysynyń orynbasary Dmıtrıı Tıtov málim etti.

– Birinshi maýsymnan bastap sýǵa shomylý maýsymy ashylady. Ókinishke qaraı, aǵymdaǵy jyl basynan beri óńirde 9 adam sýǵa ketti. Onyń ishinde 4 adam balyq aýlaý kezinde qaıtys boldy. Mundaı oqıǵanyń kóbi Semeı qalasy men Altaı aýdanynda boldy, – dedi Dmıtrıı Tıtov.

Óńirde 370 qoǵamdyq demalys orny, sondaı-aq týrızm men sportty damytýǵa arnalǵan sý qoımalary bar. Onyń ishinde 180 jaǵajaıda kelýshilerge barlyq jaǵdaı jasalǵan.

Aıta keteıik, SHQO máslıhatynyń sheshimimen 64 orynda sýǵa túsýge tyıym salyndy.

– Qaýipsizdikti saqtaý maqsatynda 64 tyıym salý taqtaıshalary men 280 eskertý taqtaıshalary ilindi, – dedi Dmıtrıı Tıtov.

Brıfıń barysynda Óskemen qalalyq TJB basshysynyń orynbasary Dastan Ahmetov oblys ortalyǵyndaǵy 8 orynda sýǵa túsýge tyıym salynǵanyn málim etti.

– Óskemendegi «Samal» saıabaǵy men sol jaǵalaýdaǵy «Kógildir kólder» aýmaǵynda ǵana sýǵa shomylýǵa bolady, – dedi Dastan Ahmetov.

SHQO aqparat ortalyǵy