Aqtóbe oblysynda er adam órtten jeti adamdy qutqardy.

Temir aýdany, Shubarqudyq aýylynda jeke úı órtendi. Órtke TJD «Órt sóndirý jáne avarıalyq-qutqarý jumystary qyzmeti» MM №16 órt sóndirý beketiniń jeke quramynan 6 adam, 2 avtokólik (2 shaqyrym qashyqtyqta) shyqty.
Órt sóndirýshiler kelgenge deıin órtti baıqaǵan kórshisi Medet Qalmuhanov, terezeni syndyryp, úı ishine kirdi. Uıyqtap jatqan 7 adamdy, onyń ishinde 3 bala, 1 júkti áıeldi dalaǵa shyǵaryp úlgirgen ol - óziniń sol sátte birneshe mınýtqa kidirmeı, bir otbasyny aman alyp qalǵanyna qýanyshty.
Oqıǵa ornyna alǵashqy órt sóndirý bólimshesi tórt mınýt ishinde jetti. 100 sharshy metrden asatyn úıdiń shatyry men kireberistiń órtenýi 05 saǵat 04 mınýtta shektelip, 05 saǵat 56 mınýtta sóndirildi.

Aqtóbe oblysynyń Tótenshe jaǵdaılar departamentimen Tótenshe jaǵdaılar komıtetine Medet Qalmuhanovtyń batyrlyq áreketi úshin vedimistik nagradamen marapattaý týraly usynys hat jiberildi.