Brıtanıa premer-mınıstri Borıs Djonson qytaılyq Huawei kompanıasynyń 5G jelileriniń bolýyna qarsy bolǵan konservatorlardyń talaptaryna kelisýge májbúr boldy jáne 2023 jylǵa qaraı qytaı kompanıasynyń úlesin nólge deıin tómendetý josparyn jasady. Bul týraly Qamshy tilshisi The Guardian basylymyna silteme jasap habarlaıdy. 

"Borıs Djonsonnyń Huawei-dyń naryqtaǵy úlesin 35%-ǵa tómendetý týraly usynysy Brıtanıa parlamentinde daýys berýge salǵan kezde oısyraı jeńilip, uıatqa qalýy múmkin" dep jazdy The Guardian. 

Brıtanıa premer-mınıstri qazirge deıin 80 depýtattyń qoldaýymen basymdyqqa ıe bolsa da, bul máselede ashyq qarsylyqqa daıyn konservator depýtattardyń sany 50-ge jetti dep boljanýda. Úkimetti jeńý úshin bul jetkilikti, óıtkeni koronavırýs daǵdarysy kezinde qytaıǵa qarsy pikir kúsheıip keledi.