Japonıa premer-mınıstri Sındzo Abe Tokıoda jáne taǵy tórt aýdanda tótenshe jaǵdaı rejımin toqtatyp, álemdegi úshinshi iri ekonomıkany birtindep qaıta ashatynyn aıtty jáne adamdardy «jańa qalypqa» beıimdelýge shaqyrdy. Bul týraly Qamshy tilshisi Reuters basylymyna silteme jasap habarlaıdy. 

– Búgin bizde tótenshe jaǵdaı toqtatylyp, kelesi kezeńge nyq qadam jasaımyz,– dedi Japonıa premer-mınıstri Tokıoda jınalǵan jýrnalıserge.

– Jaqynda búkil elde ınfeksıanyń jańa jaǵdaılary 50-den tómenge tústi. Bir kezderi aýrýhanaǵa jatqyzylǵan jalpy 10 000 jaǵdaı bolsa, qazir 2000-nan tómen boldy. Álemdegi basqa elderge uqsamaıtyn ólshemderimizdi aldyq, endi ol jalpyulttyq deńgeıde oryndalady, – dedi Sındzo Abe.

Ol Japonıanyń pandemıaǵa reaksıasy kezinde keıbir problemalarǵa tap bolǵanyn moıyndady jáne vırýs qaıta órshı bastasa, baqylaýǵa alýǵa ýáde berdi. Ol sonymen qatar basqa elderdegideı qatań tyıym salýsyz- aq alty aptanyń ishinde koronavırýsty baqylaýǵa alǵan «Japonıa modelin» maqtady.

Alaıda eń nashar senarı boıynsha, vırýstyń taralýy qaıta órshise, tótenshe jaǵdaıdy qalpyna keltirýi múmkin ekenin eskertti.