Eýropalyq Odaqtyń syrtqy ister boıynsha basshysy AQSH bastaǵan ǵalamdyq júıeniń aqyry kelgenin jáne Eýropa úshin Qytaıǵa arnalǵan myqty strategıa qajet ekenin aıtty. Bul týraly Qamshy tilshisi The Guardian basylymyna silteme jasap habarlaıdy. 

Eýropalyq Odaqtyń syrtqy ister jónindegi basshysy Hosep Borrelldiń aıtýynsha, AQSH basqaratyn ǵalamdyq júıeniń aqyry jaqyndap, Azıa ǵasyry kelgen bolýy múmkin. Bul málimdeme Qytaı men AQSH arasyndaǵy joldy Eýropa qalaı tańdaý kerektigi týraly talqylanǵan kezde aıtyldy.

– Sarapshylar amerıkalyq júıeniń joıylýy jáne azıalyq ǵasyrdyń kelýi týraly uzaq ýaqyttan beri aıtyp keledi. Bul qazir bizdiń kóz aldymyzda bolyp jatyr, – dedi Hosep Borrell dúısenbide bir top nemis dıplomattaryna. Ol koronavırýs pandemıasynyń betburys bolatynyn jáne qaı tarapty tańdaý qysymy artyp kele jatqanyn jetkizdi.

– Qytaıǵa arnalǵan neǵurlym myqty strategıa kerek, biraq ol Azıanyń basqa demokratıalyq elderimen jaqsy qarym-qatynasty shart etedi, – dep tolyqtyrdy ol.

EO Donald Tramptyń Qytaıǵa qarsy ustanymymen kelispeıdi. "Alaıda Qytaı bıliginiń Gonkongtyń táýelsizdigine shabýyl jasaýy jáne qart qurlyqqa naryǵyn ashýdan bas tartýy Eýropalyq Odaqty qaıta oılanýǵa májbúr etti" deıdi sarapshylar.