Ulttyq qoǵamdyq senim keńesiniń otyrysynda prezıdent Toqaev memlekettik til máselesine toqtalyp, Til komıtetin bilim jáne ǵylym mınıstrliginiń qaramaǵyna ótkizý kerektigin aıtty.

– Memlekettik tildi oqytýdyń tıimdiligin barynsha arttyrýymyz qajet. Bul máselede Eýropa elderiniń tájirıbesine nazar aýdarǵan jón. Olar til úıretý barysynda negizinen oqý ornyndaǵy jastarǵa kóbirek mán beredi. Sondyqtan Til komıtetin 2021 jyldan bastap bilim jáne ǵylym mınıstrliginiń qaramaǵyna ótkizgen jón. Bul qazaq tilin oqytý ádistemesin ázirleý jáne ony úıretý isine qatysty áleýetimizdi bir ortalyqqa shoǵyrlandyrýǵa múmkindik beredi, – dedi ol.

Sondaı-aq prezıdent jyl saıyn 100 ǵalymdy álemniń jetekshi ǵylymı ortalyqtarynda taǵylymdamadan ótýine qarjy bólý kerektigin aıtty. Ol úshin doktorantýrany bitirgen ǵalymdardyń shetelde taǵylymdamadan ótý úshin arnaıy memlekettik tapsyrys berilýi qajet.

Sondaı-aq doktorantýra granttarynyń sanyn arttyryp, stıpendıasyn 150 myń teńgege deıin kóterý kerektigi aıtyldy.