Shymkenttegi ICH 167/10 túzeý mekemesinde jazasyn ótep jatqan 36 jastaǵy er adamnyń qashyp ketkeni belgili boldy. Sottalýshy óziniń ǵashyǵymen kezdesý úshin túrmeden qashqan, dep jazady otyrar.kz saıty. 

Atalmysh oqıǵa 22 mamrda bolǵan. Urlyq jáne basqa da qylmystary úshin 6 jylǵa sottalǵan azamat kolonıadan belgisiz baǵytta qashqan. 

"Jedel top birden qashqyndy izdeýge kiristi. Polısıa jáne Ulttyq ulan qyzmetkerleri jumyldyryldy. Bir jarym kúnnen soń er adamnyń Toǵys aýylynda ekeni anyqtaldy. Túzeý mekemesine jetkizilip, ızolátorǵa qamaldy", - dep habarlady qylmystyq-atqarý júıesiniń Shymkent qalasyndaǵy departamenti.

Ol túrmede jatqan kezde áıelmen hat arqyly tanysqan. Sottalýshy túrmeden qashyp, kezdesýge barmaq bolǵan. Qazir kolonıa basshylyǵyna qatysty tergeý júrip jatyr.