Almaty qalasynyń ákimi Baqytjan Saǵyntaev blokbekette qaıtys bolǵan polıseılerdiń otbasyna eki páter beriledi dep onlaın brıfıń barysynda aıtty.

– Óte ókinishti jaǵdaı. Eki birdeı azamatymyzdyń otbasy men týystaryna  kóńil aıtamyn. Biz bul jaǵdaıdan shette qalmadyq. Qala ákimdigi bul baǵytta jumys jasap jatyr. Qazir kásipkerler tarapynan eki otbasyǵa 2 páter alyp berý týraly oılastyryp jatyrmyz. Sondaı-aq, týystar tarapynan aıtylǵan barlyq qarjylyq máselelerge barynsha kómek kórsetetin bolamyz, – dedi B. Saǵyntaev.

Aıta keteıik, búgin İshki ister mınıstri Erlan Turǵymbaevtyń buıryǵymen basshylyq qyzmette júrgen toǵyz polıseıge qatysty tártiptik jazalaý sharasy qabyldandy.

Eske sala ketsek, 25 mamyr kúni tańǵa jýyq № 4 blokposta BMW júrgizýshisi mas kúıinde beton qorshaýǵa soǵylyp baryp, ınersıamen patrúldik polısıa kóligin soqqan. Jol-kólik oqıǵasynan eki polısıa qyzmetkeri kóz jumdy. Taǵy bir polıseıdiń jaǵdaıy aýyr.