Sońǵy kezderi koronavırýs ınfeksıasynyń bar ekenine shúbá keltiretinderdiń sany artty.
Jambyl oblysynda ınfeksıa juqtyryp, aýrýhanaǵa túsken naýqas azamattarǵa óz-ózin saqtap júrýge keńes beredi.
Apta ishinde Jambyl oblysynan 100-den astam adamnyń koronavırýs juqtyrǵany anyqtaldy. 28 mamyr kúngi kórsetkish boıynsha, aımaqta barlyǵy 362 adam ınfeksıa juqtyrǵan.
180 naýqas jazylyp shyqsa, 181 naýqas qazir em alyp jatyr. Em alyp jatqandardyń biri – Turǵynbaeva Seısekúl.
"8 mamyr kúni ystyǵym 39 gradýsqa deıin kóterilip, ózimdi álsiz sezine bastadym. Jedel járdem dárigerleri meni juqpaly aýrýlar aýrýhanasyna alyp keldi. Sodan beri em alyp jatyrmyn. Shynymdy aıtsam, koronavırýs juqtyramyn dep eshqashan oılamappyn. Oblys turǵyndaryna barlyq sharalardy saqtap, densaýlyqty kútińder degim keledi. Bul aýrý óte qıyn eken. Men jeti kún boıy jansaqtaý bóliminde jattym. Aýrýhana qyzmetkerlerine alǵysym zor. Olar demalyssyz jumys istep jatyr. Ońaı emes. Kómekteseıik! Birge bolaıyq!" dedi ol.
Degenmen, karantın sharalary jeńildegeli beri aımaqtardaǵy turǵyndar saqtyq sharalaryn umyta bastaǵandaı. Qazir kóshede maska kıgender sany sıregen. Sanıtarlyq dárigerler bulaı bolmaıtynyn, osylaı jalǵasa berse, karantın toqtamaıtynyn aıtýda.
Pikir qaldyrý