Indýstrıa jáne ınfraqurylymdyq damý mınıstrligi Kólik komıteti tóraǵasynyń orynbasary Jánibek Taıjanov Qazaqstan qalalary arasyndaǵy blokbeketter qashan alynatynyn málimdedi.

– Vedomstvoaralyq komısıanyń 1 maýsymnan bastap qalalar arasyndaǵy blokbeketterdi alyp tastaý týraly sheshimine sáıkes 5 maýsymnan bastap tasymaldaýdy qaıta bastaý boıynsha jumystar júrgiziledi. Jolaýshylardy avtobýstarmen tasymaldaý kezindegi tıisti jumys algorıtmi bas sanıtar dárigerdiń 2020 jylǵy 10 mamyrdaǵy qaýlysynyń talaptaryn eskere otyryp ázirlengen, endi marshrýttyń sońǵy pýnktterinde avtobýstarǵa dezınfeksıa júrgizilýge tıis, al jolaýshylarǵa tek maskamen kirýge ruqsat beriledi, – dedi Jánibek Taıjanov OKQ brıfıńinde.

Onyń aıtýynsha, ákimdikter tasymaldaý prosesine qatysýshylardyń algorıtmdi saqtaýyn qamtamasyz etý boıynsha qajetti sharalardy qabyldaıdy.