AQSH prezıdenti Donald Tramp áleýmettik medıa platformalarǵa arnalǵan keıbir zańdyq qorǵaýdy alyp tastaýǵa baǵyttalǵan buıryqqa qol qoıdy. Bul týraly Qamshy tilshisi Nú-Iork Taımsqa silteme jasap habarlaıdy. 

Tramp iri ınternet kompanıalarynda jeli qoldanýshylarynyń pikirlerin ózgertý nemese senzýra jasaý úshin «tekserilmegen kúsh» bar ekenin málimdedi.

AQSH prezıdenti Twitter jáne Facebook sıaqty platformalar konservatorlardyń únderin óshiretinin aıtyp aıyptady.

Aıta keteıik, osy aptada Twitter Tramptyń jazbalaryna faktchekıń belgilerin qosýdy uıǵarǵannan keıin, Aq úı men ınternet kompanıasy arasynda shıelenis kúsheıe tústi. AQSH prezıdenti "Twitter saılaýǵa kedergi keltirdi, sóz bostandyǵyna qarsy áreket etti" dep aıyptap, kompanıany japtyratynyn málimdegen. Al, Twitter Tramptyń AQSH Mınnesota shtatyndaǵy tártipsizdikter týraly jazbasyn "zorlyq-zombylyq belgiler bar" dep uıǵaryp, buǵattaǵan.