Almatyda koronavırýstyq ınfeksıanyń 1140 jaǵdaıy tirkeldi. Bul týraly qala ákimdiginiń baspasóz qyzmeti habarlady.

Keshe jańadan 114 naýqas tirkelse, búgin 89 jaǵdaı anyqtaldy.

Olardyń 16-sy provızorlyq stasıonarda ınfeksıa juqtyrǵandarmen baılanysta bolǵan, 4-ýi Máskeý – Aqtóbe – Almaty reısimen ushyp kelgen. Olar qonǵan boıy stasıonarda karantınde bolǵan, al qalǵandarynyń indet juqtyrǵany testileý nátıjesinde anyqtaldy.

Bularmen baılanysta bolǵan barlyq adamdar tabyldy jáne olar provızorlyq gospıtáldarǵa karantınge ornalastyryldy.

Infeksıalyq stasıonarlarda 1015 adam emdelýde, onyń ishinde 39-y bala.

Eki adamnyń jaı-kúıi – óte aýyr, 27 adamda – aýyr, 208 adamda – aýyrlyqtyń ortasha dárejesinde jáne qalǵandarynda – qanaǵattanarlyq.

Provızorlyq gospıtáldarda 395 adam, karantındik oqshaýlaýda 366, al úı karantıninde 11 846 adam bar.

Ótken táýlikterde Almatyda 15 naýqas koronavırýstyq ınfeksıadan saýyǵyp, emdeýden shyǵaryldy.

Onyń ishinde Ortalyq qalalyq klınıkalyq aýrýhananyń 10 medısına qyzmetkeri, tórteýi Balalar klınıkalyq juqpaly aýrýlar aýrýhanasynyń qyzmetkerleri jáne bir áıel vırýsy buryn anyqtalǵan naýqaspen baılanysta bolǵan 1964 jylǵy naýqas.

1964 jyly týylǵan bul naýqas 2 sáýirden bastap emdeýde bolǵan.

Qalǵan naýqastardy emdeý orta eseppen 16-18 kúnge sozyldy.

10 adamda jaǵdaı aýyrlyqtyq ortasha dárejesi, jeti adamnyń eki jaqty polısegmentti pnevmonıasy bar, qalǵan naýqastarda aýrýdyń jeńil aǵymy bolǵan.