Almatyda, shekteý sharalaryn jeńildetý sheńberinde, 1 maýsymnan bastap, SPA-salondary, qoǵamdyq monshalar jáne saýnalar jumystaryn qaıta bastaıdy. Bul týraly qala ákimdiginiń baspasóz qyzmeti habarlady.

Nysandarǵa barlyq epıdemıologıalyq sharalardy qatań saqtaǵan jaǵdaıda ruqsat etiledi.

Jumysty bastarda uıymdar Almaty qalasynyń bas memlekettik sanıtarıalyq dárigeri qaýlysynyń erejelerimen tanysýy jáne nysandardy barlyq qajetti talaptarǵa sáıkes daıyndaýy tıis. Talaptar: jaılarda kúsheıtilgen sanıtarıalyq-dezınfeksıalyq rejımdi, áleýmettik qashyqtyqty saqtaý jáne t.b.

Sondaı-aq, nysandar infokazakhstan.kz saıtyna tirkelýge tıis. Onda olar ózderiniń ázirligin rastaıdy jáne habarlamaǵa elektrondy-sıfrlyq qoltańbasymen qol qoıý jolymen jazylǵan normalardy saqtaýǵa kepildik beredi.

Ári qaraı, karantındik sharalardy oryndaý barysyn monıtorıńtik top reıdtik tekserýler júrgizý arqyly qadaǵalaıtyn bolady. Talaptardy buzǵan jaǵdaıda, nysandardy tolyq jabylady.

Jumys oryndaryna tikeleı qajetti qyzmetkerler sanyn kásiporyn basshylary ózderi belgileıtinin qosymsha habarlaımyz. Sulýlyq jáne densaýlyq ındýstrıasynyń nysandary úshin jumys kestesi shtat rejiminde qalyp otyr.

Jalpy alǵanda, 7,2 myń adam sanymen 900-den astam nysan jumysyn qaıta bastaıdy dep kútilýde.